برغم اصرار اسيرة اللوحة ....
الا انني لا اجيد الكتابة عن نفسي البتة ...
1_اولا سأتحدث عن مساوئ شخصيتي ...اسوء مافي شخصيتي انني لا انسى الاساءة ولا يرضيني الا الانتقام وعلى قول ماما انتي
جمل ....مع اني اجاهد نفسي عشان انسى ولكن اساءة واحدة من اي شخص تعيد تقليب اساءتة السابقةوالصفة الثانية زعلي شين واذا زعلت
ياويلكم مني اصير اقسى ماخلق ربي لكني ماازعل من كل شي يعني من وين لوين ازعل بس اذا زعلت عن كل السنين ..محد يتناقش معي
لاني اعصب بسرعه ..
2_اما صفاتي الزينة اني قلبي كبيييييييييييييييييييير يعني احب العالم كلهم على قول لمياء ...ياربي منك ياروح تحبين كل بنات الكلية قلبك
شقق مفروشة ....بس صراحة ماعندي اسباب تخليني اكرة اللي مااعرفهم ..وطيييييييييييييييبة حد الغباء .امشي واوزع ابتسامات وماما
تقول صكي فمك شوي ماتتوبين عن اعلانات معجون الاسنان ..كلش مبتسمة ..حتى وانا ضايق صدري
احب الفلة والوناسة والضحك واحب اكون الملجأ لصديقاتي وهذا وضعي بالفعل ..تلاقوني ادور لها حل لمشكلتها اوقف معها ...بس آخر
شي افكر فية اني اخلي احد يشاركني همومي..
3_انا ربة منزل مااحب اطلع عند الناس ولا احب اني اخرج من البيت مولية حتى للسوق عكس بنات العالم وطباخة خطيرة واحب اتفنن
بالمطبخ عشان كذة ريانة شويتين ..ورسامة احب ارسم بالفحم بس بشرط احد يجي ينظف بعدي
4-حساسة حساسة حساسة لحد كبير وكل شي يصير افسرة بطريقتي واتحسس منه وابكي علية ويمكن هذا السبب اللي يخليني احط للعالم
حدود مايتعدونها معي ...لاني اخاف اقربهم كثير ويجرحوني ..
5_اخاف من العمال اللي يشتغلون في العمارة حقت جدي ...واخاف من المصعد ومن الاماكن المرتفعة ...اذكر مرة رحنا للمدينة وسكنا
بالطابق 14 وكنت اطلع وانزل من الدرج مايمديني وصلت للشقة الا اذن الصلاة الثانية وارجع انزل والناس يصلون وانا الدرج ..
6_فوضوية فوضوية بعنف .....لكن عند مشاعري احاول انظم شوي
7_مااحب اللون الوردي ومااحب البزران واموت افعصهم الين يبكون ....انواع الشر
8 _ طموحاتي كثييييييييييييييييير وكل عام احط لي اهداف واحققها ون باي ون والله يوفق وعندي امنيات سخيفة لكن من جد اتمنى احققها
مثلااتمنى ادخل في جيب الكنغر (((بس الحجم مايسمح )) واتمنى اعزي ام الضفدع اللي قتلتة ..واتمنى ابوس النمر بين عيونة
<<<<الاحياء لاعب لعبة فيني
وحكمتي في الحياه NOTHING IMPOSSIBLE
9_بإذن الله برتبط عن قريب من ابن العم العزيز والله ييسر اللي فية الخير
10 _ مابقيت شي حلو والا مو حلو الا تكلمت عنة والله يسامحك يااسورة ....
وامرر TAG لكل من
قوس قزح
ألواني
أنفاس الرحيل
غدوف
برنسيس طيوب
بدور
بنت احمد
_
